ربنا اللي خالقنا وأدرى بتركيبتنا، قالنا على منهج ( وقت الخلاف ) لو بِعدنا عن المنهج ده ، لازم هيحصل خلل و تدني وتباعيات مؤلمة زي اللي شايفينه في حياتنا على كل المستويات !
«وَالصُّلْحُ خَيْرٌ ۗ وَأُحْضِرَتِ الْأَنفُسُ الشُّحَّ »، وقت الخلاف كل واحد مابيستدعيش بسهوله نفسه اللوامه ، بيستدعي نفسه الشحيحة .
هي إيه النفس الشحيحة ؟
هي نفس محركها الأهواء وبس ، فكل تفكيرها وطاقتها ومشاعرها لخدمة هوى النفس وبس ، هي مابتشوفش غير نفسها .
وصفوا العلماء حالة الإنسان صاحب النفس الشحيحة بإنه :«إنسان حريص على ما ليس عنده، وبخيل بما عنده ».
( شُح النفس ) هو درجة أعلى وأشمل من البخل، البخيل شخص أناني وعايز يتملَك الحاجه لنفسه وبس ، لكن الشحيح فهو معندوش مشكله يضر غيره ، المهم مصلحته وبس.. ولو على الحق !
«وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا».
