رسالة مباشرة جداً :« فَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا كُفْرَانَ لِسَعْيِهِ وَإِنَّا لَهُ كَاتِبُونَ»
سعيك مش بيروح هَدَر .. أي سعي في أي عمل صالح حتى لو إنت مستبسطه ومش شايفه ، فهو مكتوب ومحفوظ عند ربنا .
من مداخل الشيطان إنه يحسسك بالفشل لو مش لاقي نفسك في اللي بتعمله ومابتوصلش للي إنت عايزه .
لكن الحسابات عند ربنا سبحانه منظورها مختلف تماماً عن منظورنا البشري ، شامله أي سعي في الخير و أي عمل صالح سواء على هواك أو لأ ..سواء بتعمله بشكل بديهي أو بتعمله قاصد .
علشان كده ما تستهونش بالتفاصيل ..
راقب : ( أفعالك ، وكلماتك ، ووقتك ، نيتك )
لو تندرج تحت قوانين العمل الصالح فإنت تحت مظلة : «فَلَا كُفْرَانَ لِسَعْيِهِ وَإِنَّا لَهُ كَاتِبُونَ ».
وده في حد ذاته من أهم مفاتيح الطمأنينة في الدنيا ..
