حذر الرئيس عبد الفتاح السيسي، من مواصلة التعديات على الأراضي الزراعية، ومخالفات البناء، قائلا: «لا يمكن ان نسمح ابدا، لو الناس مش عاجبها الكلام ده يبقا اسيب مكاني وأمشي».
وأضاف السيسي،«عندنا علم وتكنولوجيا يخلينا نشوف شكل الدولة المصرية من 10 سنين بالمللي.. لدينا منظومة قادرة على متابعة التطورات الخاصة بمخالفات البناء والتعديات على مستوى الجمهورية».
ووجه الرئيس السيسي خلال افتتاح عدد من المشروعات القومية بالإسكندرية، حديثه للمصريين: «ناوين تعملوا إيه في بلدكم؟ مش عارف أعمل إيه؟، إيه اللي احنا فيه ده؟ ..دي ارضنا واللي بناكل منها انت بتعمل كده ليه عاوز إسكان بنعمل إسكان ومستعدين نعمل اكثر من كده».
وذكر الرئيس: «الدولة بمؤسساتها يا محمد يا زكي مسؤولة عن الحفاظ على الدولة المصرية.. لن اسمح أبدا ان احنا نهد بلدنا ونضيعها كده، وحد يتصور، لا والله، لو الأمر استدعى هنزل هخلي الجيش المصري.. إذا كنا احنا مقتنعين بمنتهى الجدية الموضوع ده لن اسمح بيه مع كل المحافظات والتعديات واجيب معدات هندسية واجيب واشيل كل الكلام ده في كل القرى وابيد بكل المعدات الهندسية، بتكلم بمنتهى الجدية والحزم مع كل التعديات».
وتابع السيسي، «لا يمكن ان نسمح ابدا، لو الناس مش عاجبها الكلام ده يبقا اسيب مكاني وأمشي».
t – F اشترك في حسابنا على فيسبوك و تويتر لمتابعة أهم الأخبار المحلية
