قال الرئيس عبد الفتاح السيسي، اليوم السبت، إن الأمة لا تبنى إلا على البناء والإصلاح فقط لا الإساءة أو التشكيك والهدم والظلم والإهانة.
ووجه الرئيس السيسي، رسالة للشعب المصري، قائلا: «كلمة واحدة عاوز أقولها للناس.. ده اللي إحنا عملناه.. وعندكم فرصة في الانتخابات الرئاسية اللي جاية.. عندكم فرصة للتغيير.. حد يقول كده.. اه بقول كده.. الأمر كله لله.. اللي ليه حاجة ياخدها».
وأضاف الرئيس السيسي خلال كملته في مؤتمر حكاية وطن: «مفيش حاجة بتروح عند ربنا.. كل كلمة كدب وإساءة ليها أجر.. والمسؤول اللي أسئ ليه وبهتان ليه مش هيمشى كده.. بنؤمن بالله هنقف ونتحاسب واللي هيحاسب ربنا اللى لا بيغفل ولا بينام.. وكل تفاصيل المكر والافك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقا جزء من الشخصية المصرية.. تبقا متشككة غير واثقة في نفسها وبلدها.. بناء فكر وجداني اتعمل خلال 40 و 50 سنة ويعتقدون أنهم يقدروا يبنوا أمة ولا تبنى إلا بالبناء والإصلاح فقط لا على الخراب ولا الإساءة ولا بالتشكيك ولا الظلم ولا بالهدم.. لما أقول عمل عمله مسؤول أنه منقوص أو فاسد بظلمه وبظلم جهده وعمله وبحط على العمل بتاعه تراب».
وأضاف الرئيس السيسي، أن مشروع قناة السويس الجديدة تم تنفيذه في فترة بالغة الصعوبة، مضيفا «الكلام ده كان بيتعمل وأنت مش بس بتحارب إرهاب أنت عندك أبواق.. كذب وافتراء وشائعات شغالة تقدح في كل إجراء ومسار تعمله.. أنت كمان مش محل تقدير من ناسك اللى بتعمل لأجل خاطر ربنا وخاطرهم.. لا ده كمان بيتم الإساءة لك والإساءة إلى مسؤوليك هما وأسرهم».
وأوضح السيسي، أن التحديات التي شهدناها كانت كفيلة بهدم الدولة مثل الدول الأخرى التي حتى الآن لم تستطع أن تقوم مرة أخرى.
وشهد الرئيس عبد الفتاح السيسي، في وقت سابق من اليوم السبت، انطلاق مؤتمر «حكاية وطن» 2023، بفندق الماسة بالعاصمة الجديدة، وبمشاركة ممثلي المجتمع المصري وأطيافه المختلفة فضلا عن الخبراء والمتخصصين في شتى المجالات.
وتنطلق جلسات «حكاية وطن»، بالجلسة الافتتاحية لكلمة رئيس الوزراء الدكتور مصطفى مدبولي، ثم كلمة للرئيس عبد الفتاح السيسي، يعقبها استراحة ثم جلسة الاقتصاد التي تضمن مناقشة وزراء التخطيط والمالية والصناعة، ثم ختام فعاليات اليوم الأول بجلسة الطاقة والتي تضمن عرض لوزيري الكهرباء والبترول والرد على استفسارات المواطنين.
اشترك في حسابنا على فيسبوك و تويتر لمتابعة أهم الأ خبار المحلية
