أشاد الرئيس عبد الفتاح السيسي بكل ما شهدته الندوة التثقيفية للقوات المسلحة من حديث للداعية الإسلامي الحبيب علي الجفري عن الشهيد ومكانته، وكل ما قيل من أهالي الشهداء.
وقال الرئيس: «عايز أقولهم حاجة واحدة إن التمن اللي بيدفعه كل شهيد أو مصاب هو وتد يوضع من أجل مصر.. تفضل مصر».
وأضاف السسيسي: «لما حد بيموت عشان خاطر ترابها يمكن يكون الأمر مش واضح وأنا لما بتكلم معاكم وأقولكم بصوا حواليكم مش قصدي غير إني أقولكم أد إيه التمن اللي بيدفعوا الجيش والشرطة والصور دي صور أسر مصرية قدمت شهداء عشان يعيش الـ100 مليون مصري في أمان وسلام».
وأضاف السيسي: «أنا بتكلم في نقطة الشهداء كتير لأنهم ليهم حق عندنا عشان إحنا نعيش، وافتكروا الكلام دا قلناه من 6 سنين لما قولنا نموت ومحدش يقرب من المصريين جه اليوم اللي اثبت الكلام واتنفذ».
وأضاف:«هذا الكلام هو الوعد اللي قلناه كجيش وشرطة ودولة لأهل مصر إن إحنا مستعدين نموت عشان انتو تعيشوا وقسما بالله أنا مستعد البس الأفرول وانزل اقاتل جنبهم».
وتابع إذا كان عندنا ثقة إننا على الحق المبين وبنحارب ناس بتسيء لمقام الألوهية لأن كل دين هو انعكاس للخالق العظيم.
وقال: «والله العظيم احنا بنقاتل لأجل خاطر ربنا».
وقال الرئيس السيسى: «لن يجرؤ أحد أبدًا على المساس بالمصريين طوال ما أنا موجود».
وأضاف الرئيس السيسي: « طول ما الجيش والشرطة فيهم نفس وأنا فيا نفس، يا نموت كلنا يا نعيش كلنا».
وتابع: «رغم الألم والجرح الذى أصبنا به كان ثمنه الأمان والسلام لأهل مصر ولو سقطت مصر لضاعت الأمة كلها».
وانطلقت الندوة التثقيفية السابعة والعشرين للقوات المسلحة بمناسبة يوم الشهيد والمحارب القديم بتلاوة آيات من القرآن الكريم بحضور الرئيس عبد الفتاح السيسي والفريق أول صدقي صبحي وزير الدفاع والإنتاج الحربي واللواء مجدي عبد الغفار وزير الداخلية وعدد من كبار رجال الدولة وقادة القوات المسلحة.
كما استعرض الحبيب علي الجفري العالم الجليل منزلة الشهيد مشيرا إلى أن ما تقوم به الدولة هى معركة دفاع عن الوطن ضد خوارج العصر لأن سقوط الأوطان هي سقوط الكليات الخمسة كلها.
