حاجات وناقصانى ..مش عارفة أسميها
من كتر حرمانى ..تايهة معانيها
إزاى أهون عليك..تبعدنى بسهولة
عشان قلبى ف إيديك.. تهجرنى ، معقولة
أومال فين الحنان.. وأنا ليكى كل شىء
هو عهد الأمان.. تسيبنى فى الطريق
محسيتش الوجود..غير ف الوجود معاك
حتمشى أو تعود..أنا مبحبش سواك
بس أنا قلبى إتجرح.. وحاسس بالألم
إزاى سبب الفرح ..يبقى سبب الندم
لو كنا إتعاتبنا .. كان حيروح الزعل
وبكلمة حلوة بيننا ..يتجدد الأمل
أنا محتاجة البداية ..اللى أسرتنى ليك
ونكمل الحكاية ..وأنا إيدى ف إيديك
متسيبش إيدى تانى..مهما تكون الظروف
العمر يادوب ثوانى..وأنا مش حعيشها خوف
للمزيد من كلمات الشاعرة اضغط هنا
اشترك في حسابنا على فيسبوك و تويترلمتابعة أهم الأخبار المحلية
