ارمي الشبكة يا صياد
شوف حيطلع ايه فيها
خد رزقك ولأم الولاد
وخد للولاد وكفيها
حتلقى في السمك أموات
لابد لازم ترميها
متفرحشي أوي بكتير
المهم اللي عاش فيها
ومتقولشي راح أبيع الميت
طالع من البحر بالديناميت
مترضاش سم لأولادك
مترضاهوش لأي بيت
خلي الضمير حاكمك ولو
حيجوعوا متلتقيش الزيت
متبصش للي واصل فين
وميغركش علو الصيت
بكرة حيقفوا وحديهم
وحتقف إنت كمان وحديك
تشوف الفقر عنديهم
وتشوف الغنا عنديك
ده هي ثواني قوام حتفوت
متفكرش زمن وطويل
خطف ياما كتير الموت
عيش بنضافة ع التساهيل
