«لا شيء يؤذي الروح أكثر من بقائها عالقة في مكانٍ لا تنتمي إليه» عباس العقاد.
مؤذي جدًا إنك تكون في مكان مش شبهك ومع ناس مش شبهك.. ومؤذي جدًا إنك لا تملك القدرة إنك تنجو بروحك ونفسك.. ومؤذي جدًا إنك تقرر تنجو وتفضل طول حياتك بتتحمل عواقب نجاتك!
كتير في الحياة بيكون الاختيار بين أمور كل اختيار فيهم بيكون فيه مرار وفيه أذى، لكن بنختار أخف أذى وأهون وجع!
سيدنا عمر بن الخطاب له مقولة بتقول: «ليس العاقل من عرف الخير من الشر، وإنما من عرف خير الشرين».
مش شرط أبدًا تختار الوضع اللي فيه هترتاح، لكن مهم إنك تختار الوضع اللي فيه تقدر تصبر.
وأيًا كان إيه الاختيار وإيه القرار فكلها أسئلة مختلفة بتكتشف فيها حقائق ومعاني، وبتتعلم منها إزاي تتحرر روحك بالله، وتتعلم يعني إيه تستغنى بالله.. فيبصرك بأنسب اختيار وتستشعر ألطافه برغم كل أذى.
«إِنْ تَتَّقُوا اللَّهَ يَجْعَلْ لَكُمْ فُرْقَانًا».
