سهولة الإجراء وتكلفته المعقولة. جعلت الناس تهرب من تسجيل ممتلكاتها بصحة التوقيع ومن سنين كتير وعلى كل المستويات من شراء أرض وتراخيص بناء وبيع وشراء شقق ومنازل وتوصيل الخدمات، وأصبح صحة التوقيع، هو سند الملكية العرفي الوحيد المعتمد شعبيا ومنطلق كل تصرف!!
والتعقيد في التسجيل بحجة تحصين الملكية ، وزيادة التكلفة وطلب أوراق غير موجودة أصلا، ستجعل الناس يهربون بأي شكل من الشهر العقاري، لأن كل خطوة فيه بفلوس ووقت وتعنت.
محدش هيغلب ومهما كانت الحكومة ناصحة، سيجد الناس 100 طريقة للهروب من تعقيد التسجيل وتكاليفه الباهظة.
هي خطوة واحدة ومفيش غيرها نعترف بها وبتريحنا، وبأقل فلوس، لإننا خلاص معناش فلوس.
الحكومة الناصحة تريح الناس وتقلل ضغطها عليهم، مش تحسسهم إنها بتسرقهم وخلاص.
للأسف ستزيد المشاكل وسيضطر المواطن للبحث عن كل الطرق الشمال وسيجد مبتغاه بتفتيح المخ والدرج الخ.
وستخسر الحكومة الناس وسيكرها الشعب لأنها كانت ضده وليست معه.
أمي الله يرحمها، كانت بتقول – الدنيا مفيهاش فقر لكن فيها قلة رأى – ولما كانت حاجة تحصل في وقت غير مناسب لها كانت برضه بتقول « هو إحنا في – أزمة – ولا في شم ورد» ومن غير لا مؤاخذة
